Haugesund byarkiv vart oppretta til 75-års jubileet for byen i 1929 og er i dag ein del av Sentralarkivet Haugesund kommune. Byarkivet har få fotoarkiv og fotosamlingar med kommunal og med privat proveniens. Dei to største kommunale arkiva er Widerøe-arkiva for Haugesund og tidlegare Skåre kommunar og formannskapet sin albumserie over viktige hendingar i kommunen i åra 1933-1958.

Byarkivet har også ein del fotomateriale produsert i dei ulike kommunale etatane. I 2001 engasjerte kommunen ein historikar til å kartlegga fotomaterialet i dei kommunale etatane etter opplegget i prosjektrapporten Kommunen som fotograf. Fotomateriale i Oslo kommune, laga for Oslo Byarkiv (1996).